Poslanica Socijaldemokratske partije Draginja Vuksanović-Stanković prokomentarisala je različite stavove koji stižu iz Građanskog pokreta URA o skraćenju mandata Skupštini i raspisivanju novih izbora. 
“URA će glasati protiv skraćenja mandata Skupštini”, poručio je poslanik Građanskog pokreta URA Miloš Konatar, navodi Draginja Vuksanović-Stanković i podsjeća na poruku premijera u tehničkom mandatu lidera partije URA, Dritana Abazovića, koji je nedavno pozivao na izbore.
“Kakvo licemjerje, a samo prije koji dan Abazović je vrištao sa bine, dajte izbore. Kao svaki put. Samo truć i buć od držanja riječi”, napisala je Vuksanović-Stanković uz video na kojem se čuje obraćanje Abazovića građanima.
Kolega Konatar: URA će glasati protiv skraćenja mandata Skupštini.
Kakvo licemjerje, a samo prije koji dan Abazović je vrištao sa bine, dajte izbore. Kao svaki put. Samo truć i buć od držanja riječi. pic.twitter.com/zXtqopwwIH— Draginja Vuksanović Stanković (@Draginja07) September 21, 2022
