Na zelenoj pijaci u TC Forum stigle su maline koje se prodaju po cijeni od dva eura po kilogramu, dok je za smokve neophodno izdvojiti 1,70 eura. Borovnice su po dva, a bijelo grožđe košta četiri eura. Kardinal se prodaje po cijeni od 2,50 eura. Za kilogram kajsija juče je trebalo izdvojiti tri eura, dok su breskve i nektarine bile za 70 centi jeftinije. Jabuke se prodaju po 1,40 eura, a limun i pomorandža po 2,20 eura. Za kilogram banana trebalo je izdvojiti 1,50 eura. Uvozne kruške i kivi su po tri eura, dok je lubenica 50 centi po kilogramu. Pipun košta 80 centi.
Paprike babure su prodavane od euro do 1,50, boranija tri eura, luk crmnički i kolačar 1,50, paradajz od euro do 1,50, a rozi dva eura. Bijeli luk košta pet eura, a korijenje tri eura. Kilogram krastavca, šargarepe i cvekle se prodaje po cijeni od 1,50 eura. Kupus košta od euro do 1,20, a tri klasa se mogu kupiti za euro. Veza peršuna cijenjena je 50 centi, dok je kilogram krompira 40 centi više, a crveni se prodaje za euro.
