Danka Kovinić (27) od ovog ponedjeljka je 67. teniserka na planetarnoj WTA listi.
Za našu najbolju igračicu to je za poziciju lošiji plasman u odnosu na prethodnu sedmicu. Tokom sedmice za nama Crnogorka nije nastupala na turnirima, a prethodno je igrala polufinale WTA turnira u Parmi.
Sa 853 poena, Danka ima 31 WTA bod manje od Kineskinje Lin Žu, koja je na 66. mjestu. Iza naše najbolje teniserke je bivša gren slem šampionka, mlada Britanka Ema Radukanu, sa 852 boda.
Kovinić ima cilj da u dobroj formi završi sezonu i osigura dalji napredak u svjetskom poretku ove jeseni. Njen najbolji plasman na WTA listi u karijeri je 46. mjesto, ostvaren 2016. godine.
