Kad vam ostane višak barenih jaja poslije Uskrsa iskoristite ih pametno za jednostavna jela i priloge.
Evo nekoliko prijedloga.
Salata od jaja i šunke
Potrebno je:
3 barena jajeta
250 gr kuvane šunke
100 gr kuvanih makarona
100 gr majoneza
1 kisjela pavlaka
1 manja rendana šargarepa
kašičica senfa
peršun
so i biber.
Priprema:
Bjelanca isijecite na kockice, a žumanca posebno pomiješajte sa prethodno isjeckanom šunkom.
Sjedinite jaja i šunku, dodajte obarene makarone i umiješajte pavlaku, majonez i senf. Začinite solju i biberom po ukusu i dobro izmiješanu salatu servirajte u dubljoj staklenoj činiji.
Gornji sloj pospite rendanom šargarepom i peršunom.
Pašteta od tune i jaja
Potrebno je:
4 tvrdo kuvana jaja
150gr tunjevine u ulju
1/2 manje glavice crnog luka ili 1mladi luk
so po potrebi
malo prešunovog lišća
Priprema:
Jaja isjeckati na sitnije, dodati tunjevinu sa uljem iz nje, posoliti ako treba, dodati pola isjeckan crni luk i peršunovo lišće.
Sve dobro izmiksati u sjeckalici dok ne dobijete fini namaz. Ako nemate sjeckalicu možete jaje i luk sitno izrendati i izmiješati sa tunjevinom. Ukus je ostaje isti.
Salata sa rotkvicama i jajima
Potrebno:
dvije veze rotkvica
jedan mladi luk
jedna nekoliko listova zelene salate
četiri do pet tvrdo kuvanih jaja
jedna pavlaka
so
biber
začini.
Priprema:
Rotkvice narezati na kolutiće, bjelanca na kockice, luk na parčiće, a salatu na tanke rezance.
Žumanca isitniti i pomiješati sa pavlakom i začinima. Ova salata može da vam bude obrok ili kao dodatak uz meso.
Izvor: AntenaM
