Mančester siti nastavio je da dominira u Premijer ligi – “građani” su u drugom kolu Premijer lige do vrha napunili mrežu Hadersfilda i slavili 6:1 pred svojim navijačima.
Sve je odlučeno za 10 minuta, između 25. i 35. kada je Aguero postigao dva, a Gabrijel Žesus jedan gol za ekipu Pepa Gvardiole.
Pred odlazak na odmor smanjio je Slovenac Stanković, ali kao da je to samo dodatno motivisalo “građane” u nastavku.
David Silva dao je prelijep gol iz slobodnog udarca, potom je Serhio Aguero kompletirao het trik, da bi u finišu poslije akcije Sanea Kongolo autogolom postavio konačan rezultat.
Drugu pobjedu u sezoni ostvario je i Votford, koji je slavio na terenu Barnlija 3:1.
Grej je doveo goste u vođstvo u trećem, ali je Tarkovski već u šestom izjednačio.
Na početku nastavka za tri minuta preko Dinija i Hjuza, Votford je osigurao pobjedu.
Od 17 sati igraće Brajton i Mančester junajted, dok će kolo sjutra od 21 zaključiti Kristal Palas i Liverpul.
Izvor: Cdm.me
