Vozač Dukatija Horhe Lorenco pobijedio je danas u trci Moto GP šampiona za Veliku nagradu Italije. Lorenco je na stazi Muđelo pobijedio rezultatom 41 minut, 43,230 sekundi.
On je već u prvoj krivini obišao Valentina Rosija, koji je krenuo sa pol pozicije, stekao je solidnu prednost i sačuvao je do kraja trke.
Drugo mjesto zauzeo je njegov klupski kolega Andrea Doviciozo, sa 6,370 sekundi zaostatka, a treći je bio Valentino Rosi iz Movistar Jamahe sa zaostatkom od 6,629 sekundi.
Vodeći u generalnom plasmanu Mark Markes iz Repsol Honde izletio je sa staze u četvrtom krugu, a trku je završio na 16. mjestu.
U generalnom plasmanu Markes je ostao prvi sa 23 boda više od Rosija, dok je treći Maverik Vinjales, koji je na Velikoj nagradi Italije zauzeo osmo mjesto.
Naredna trka u šampionatu na programu je 17. juna u Barseloni.
Izvor: AntenaM
